Siglir tar il cuntegn
Inhalt

Svizra «L’aua minerala d'Adelboden è la meglra ch’ì dat sin quest mund»

Cura che Irina Taculina discurra da l’aua minerala dad Adelboden, traglischan ils egls da la sommelière d’aua. Per ella è quai la meglra aua minerala ch’igl dat insumma.

Legende: Video Degustaziun d'aua minerala cun Irina Taculina abspielen. Laufzeit 02:25 Minuten.
Or da RTR dals 12.08.2015.

La giuvna da 30 onns è sommelière en l’hotel Quellenhof a Bogn Ragaz. L’aua è gia adina stada impurtanta per ella. Irina Taculina è creschida si a la costa da la Mar da l’Ost en la Lettonia, ses bab era capitani. L’attracziun per l’aua è en famiglia. Uss ha ella fatg quella passiun tar la professiun.

30 sorts aua sin la charta

Sper differentas bars ed ustarias datti en il Quellenhof era ina bar d’aua minerala. E las 30 sorts gustan propi fitg different. Inquala n’ha betg bler gust ed è miaivla, autras gustan intensiv, per exempel suenter sal. Sco tar il vin èsi tenor la sommelière era impurtant da baiver la dretga aua tar las spaisas. Al cumenzament dal menu cusseglia el aua minerala cun gas, encunter la fin aua senza.