Siglir tar il cuntegn
Inhalt

Svizra L'aura sa mida: blera plievgia e naiv

Suenter ina lunga fasa da sitgira e temperaturas miaivlas sa mida l'aura. SRF Meteo quinta cunzunt en las valladas dal sid cun blera plievgia.

Legende: Audio Blera plievgia per il Grischun abspielen. Laufzeit 04:32 Minuten.
04:32 min, Il chavazzin dal di dals 27.10.2018.

Fin mardi datti tanta plievgia sco normalmain durant l'entir mais d'october. Oravant tut en il Tessin ed en pliras valladas dal sid dal Grischun e valladas grischunas che cunfineschan cun il Tessin vegn spetgà 120 fin 220mm plievgia. Cunquai ch'ils livels dals flums sajan bass, possian quels probablamain tschiffar la plievgia. Dentant saja da far quint cun bovas ed inundaziuns da tschalers.

Naiv fin 600m s.m.

Il cunfin da naiv po sa sbassar sin fin 600 meters sur mar. Quai cunzunt en las valladas dal nord dal Grischun ed en il Grischun central. Sur 2'000 meters sur mardi 50 fin 150cm naiv nova. Sper la ferma plievgia e naiv quinta SRF Meteo oravant tut en las alps cun suffels ferms dal sid e dal sidost – cunzunt il glindesdi.

RR novitads 07:00