La dumonda per ils products da la firma saja sbalunada tant en Svizra sco en l’exteriur, ha la Cilander scrit en ina communicaziun. Vitiers hajan il custs auts d’energia e da producziun en Svizra, l’inflaziun en l’exteriur ed il ferm franc svizzer procurà per autas sperditas.
Suenter avair examinà differents scenaris per manar vinavant l'interpresa, saja tant sco inevitabel da serrar ella sin la fin da l’avust 2024. Uschia vegn cità en la communicaziun il president dal cussegl d’administraziun Rolf Schmid.
In’istorgia da passa 200 onns
Uss han ins instradà la procedura da consultaziun. Per il persunal vegn elavurà in plan social, e el survegnan sustegn per s’orientar professiunalmain da nov.
La firma Cilander perfecziunescha dapi l’onn 1814 textilias, ed exportescha lur products en passa 80 pajais. Tenor atgnas indicaziuns è l’interpresa ina da las top-firmas en l’Europa per perfecziunar textilias.
Schweiz aktuell da SRF aveva rapportà il 2011 da la firma Cilander:
