Las prestaziuns da l'aviun nov surpassan las pretensiuns vid l’aviun, scriva Pilatus. La certificaziun tras las autoritads europeics da sgol èn previsas per il terz quartal dal 2017.
La PC 24 è l’emprim aviun a reacziun da l’interpresa Pilatus, fin uss era l’interpresa spezialisada sin aviuns cun propeller. Enfin uss hai dà dus prototips da l'aviun per programs da test. L'entschatta dal 2017 duai dar in terz prototip ch'è er gist l'emprim d'ina emprima seria dal tip.
L'emprima giada duain ils aviuns vegnir furnids l'atun 2017 suenter la certificaziun da l'aviun. Tar ils emprims clients s'audan Planesense, ina plattafurma da parter aviuns (Plane-Shareing), so era il "Royal Flying Doctor Service" da l'Australia. La fin stad 2018 duai era il Cussegl federal survegnir ina da questas maschinas per il pretsch da 8,9 milliuns dollars.
Enfin uss èn 84 da quests aviuns "Made in Switzerland" vegnir vendids. Enfin l'onn 2019 è il tip d'aviun vendì or. Ils custs per sviluppar l'aviun aveva Pilatus annunzià pli baud cun 500 milliuns francs.
L'aviun porscha plaz per enfin 10 persunas. El po sgular distanzas da fin 3600km. L'aviun da 17m lunghezza duai era pudair sa platgar e partir sin pistas curtas da sablun e glera. Il mument vegnia la maschina fabritgada cumplettamain a Stans.
RR novitads 11:00
