Interpresas cun 50 e dapli collavuraturs duain vegnir obligadas d'analisar las pajas mintga quatter onns. En spezial duain ellas controllar sche dunnas ed umens gudognan tuttina bler. Quai propona il Cussegl federal en la midada da la lescha d'egualitad ch'el ha tramiss en consultaziun. L'egualitad da paja tranter umens e dunnas na saja anc adina betg cuntanschida, scriva il departement federal da giustia. Mesiras facultativas n'hajan betg purtà il success giavischà. Perquai vegn il Cussegl federal a la conclusiun ch'i dovra mesiras statalas supplementaras.
RR novitads 15:00