Siglir tar il cuntegn

Header

cuntegn

Svizra L'emprima giada sto la Svizra surpigliar dapli requirents d'asil

L'october ha la Svizra surpiglià dapli requirents d'asil che quai ch'ella ha manà enavos en auters pajais europeics.

Quai mussan las cifras dal secretariat dal stadi per la migraziun. Tenor quellas ha la Svizra tramess enavos 300 persunas en auters pajais da la cunvegna da Dublin e stuì surpigliar 330 persunas. En spezial mainan la Frantscha e la Germania adina dapli requirents d'asil enavos en la Svizra.

Cunvegna da Dublin

Avrir la box Serrar la box

Tenor la cunvegna da Dublin po la Svizra manar enavos fugitivs en auters pajais europeics e viceversa. Manar enavos requirents d'asil en in auter pajais è pussaivel sch'ins po cumprovar che quellas persunas han vivì en l'auter pajais.

Bilantscha positiva

Durant bunamain 10 onns ha la Svizra pudì manar enavos dapli requirents d'asil che quai ch'ella ha surpiglià. Concret han stadis europeics transferì tranter l'onn 2009 e 2018 radund 14'400 requirents d'asil en Svizra. La Svizra ha per encunter manà enavos varga 69'000 persunas. Quai èn bunamain tschintg giadas uschè blers.

RR novitads 07:00

Artitgels legids il pli savens