Siglir tar il cuntegn

Header

video
Animaziun dals currents d'aria fin mesemna
Or da Meteo Zusatzmaterial dals 18.02.2022.
laschar ir. Durada: 10 Secundas.
cuntegn

L'entir Grischun Vinavant ferms vents e vitiers naiv

La Confederaziun avertescha da privel tras vents ferms da dumengia notg fin il mardi. L'avertiment vala per la gronda part da la Svizra e pli u main l'entir chantun Grischun. Tiers ils vents turna era anc la naiv.

Tar il vent vegnan plievgia e naiv

Ensemen cun ils ferms vents arrivan era plievgia e naiv en Svizra. Suenter ina fasa pli quieta il gliendesdi durant il di, suondan lura plievgia e naiv. Ils vents restan dentant ferms. La notg sin il mardi lura spetga SRF Meteo cunzunt en il Grischun dal Nord sur 800 meters, 10 fin 50 centimeters naiv nova. Quai fin mardi a mezdi. Cunquai ch'i po vinavant dar vents ferms procuran quels per cuflads, uschia che las differenzas quanta naiv ch'i dat, pon esser grondas tut tenor regiun.

audio
Prognosa per vent e naiv dal glindesdi saira
ord Actualitad dals 21.02.2022.
laschar ir. Durada: 1 minuta 42 Secundas.

«Antonia» ha purtà ferms vents

I vala il stgalim da privel trais. Sur notg hai en la Bassa suflà fin a 100 kilometers l'ura. Il pli ferm vent è vegnì mesirà sin il Chasseral en il Giura Bernais cun passa 160 kilometers l'ura.

En il Grischun hai dà il pli ferm vent sin il Crap Masegn, sin territori da Falera, quai cun 155 kilometers l'ura. Cun questas spertadads n'han pliras pendicularas betg pudì avrir. Donns pli gronds n'hai fin uss betg dà.

Tras quests vents ferms pudessan era plantas cupitgar. I vegn perquai scusseglià dad ir en guauds u a l’ur dal guaud.

Carta svizra cun indicaziun dal privel da vent
Legenda: Privel da vent oransch = privel considerabel, stgalim 3 verd = nagin privel u privel pitschen, stgalim 1 Confederaziun

Gia ils davos dis aura selvadia

Plirs stemprads han tutgà ultimamain l'Europa, suenter «Ylenia» ha il venderdi l'orcan «Eunice» procurà per mortoris e devastaziuns en l'Engalterra, en ils pajais dal Benelux ed en la Germania dal Nord. La Svizra è mitschada cun in egl blau la notg sin la sonda, il pli ferm vent en ils culms han ils meteorologs mesirà sin il Säntis cun 117 kilometers l'ura.

Aura actuala

Avrir la box Serrar la box

RTR novitads 14:00+

Artitgels legids il pli savens

Scrollar a sanestra Scrollar a dretga