Siglir tar il cuntegn

Header

Navigaziun

cuntegn

Svizra L'enviern ha chattà la via

La notg sin mesemna èn las temperaturas en Svizra l'emprima giada quest enviern stadas propi bassas. Sin la Glattalp, chantun Sviz ha Meteonews mesirà minus 36,5 grads. Er en la Bassa èn las temperaturas stadas marcantamain sut nulla.

Purtret da cristals da glatsch.
Legenda: La bun'ura è stada la pli fraida damaun dapi il favrer 2018. Keystone

D'engraziar las temperaturas bassas avain nus ad ina notg senza vent e l'aria polara nà da la Grönlanda, han rapportà Meteonews e MeteoGroup. Quai è stada la pli fraida damaun en la stagiun d'enviern anc giuvna ed er la pli fraida damaun dapi il favrer 2018.

Er a Samedan e sin l’Alp Buffalora sin il pass dal Fuorn èsi stà pli fraid che minus 20 grads. Sulet sin la Glattalp ha la temperatura pudì sa sbassar sin sut minus 30 grads. Dals lieus sut 800 meters èsi stà il pli fraid a Glion, quai cun -9,7 grads. Sur il cunfin da nulla grads èsi stà sulet al Lago Maggiore en il Tessin.

Tenor prevista restan las temperaturas uschè bassas fin dumengia.

RR novitads 10:00