Siglir tar il cuntegn

Header

Navigaziun

cuntegn

Svizra L'enviern na pon ins betg cuvrir il basegn da vitamin D

Il sulegl da l'enviern en Svizra na basta betg per producir avunda vitamin D che vegn recumandà da l'Organisaziun mundiala da la sanadad. Avant survegnian ins ina brischada dal sulegl. Quai mussa in nov studi ch’è vegnì sustegnì dal Fond naziunal svizzer.

Il vitamin D è impurtant per in svilup sanadaivel, buna ossa e protegia probabel d’infecziuns e cancer. Il corp producescha il vitamin en la pel sut irradiaziun dal sulegl.

Sis uras e mez èn necessari

Durant la stad bastan 10 fin 15 minutas sulegl per producir avunda vitamin D. Dentant gia 10 minutas pli tard po la pel che n'è betg protegia survegnir ina brischada dal sulegl. L’enviern dovri però 6 uras e mez e quai n’è però strusch pussaivel. Avant survegn ins ina brischada dal sulegl ed il ristg da survegnir cancer da la pel crescha.

Persunas che stattan a sulegl.
Legenda: L'enviern duvrass ins pliras uras sulegl per pudair producir avunda vitamin D. Avant survegn ins dentant ina arsentada dal sulegl. Keystone

Evitar solarium

La pli impurtanta recumandaziun è d'evitar l'enviern in solarium. Il ritgs da survegnir cancer da la pel è essenzial pli grond ch'in eventual profit. Sch'ins duai prender aditivs alimentars u betg vegn actualmain anc discutà cuntravers.

RR novitads 11:00