La segund'emna da schaner han 144 medias e medis annunzià 15,5 cas da suspect da grippa sin 1'000 consultaziuns. Quai tenor las cifras actualas da l'Uffizi federal da sanadad. Calculà approximativamain correspunda quai a 121 cas sin 100'000 abitants. Davent da 68 cas sin 100'000 abitants discurran ins d'ina epidemia.
Cunzunt pertutgads da la grippa èn uffants pitschens fin a 4 onns. En tuttas regiuns s'augmenta il dumber da persunas che han grippa.
RR novitads 16:00