Svizra - L'eroport a Turitg – in ir e vegnir

Al check-in

Igl e in travasch gia a bun’ura baud a l’eroport da Turitg. Persunas da tut las vegliadetgnas e bleras famiglias èn sin viadi per far il check-in cun lur valischs e gia pronts per las vacanzas cun chautschas curtas, rassas e flip-flops. En in di partan ed arrivan en media 72’000 passagiers da Turitg.

E sch’ins guarda sin las tavlas dals sgols, ves’ins ch'i dat insatge per mintgin: Da Mumbai, New York enfin a London, Prag e Paris e anc bler dapli. En tut sgolan e sa tschentan 726 eroplans al di.

Al biro da chat

En il biro da chat sa chattan 30’000 chaussas che en idas a perder a la plazza aviatica. Quai sun chaussas sco protesas, natels, laptops, egliers ni vestgadira e anc bler dapli. 100 persunas vegnan mintga di en il biro da chat per tschertgar lur causas. Era blers mails e telefons survegnan ils collavuraturs dal biro mintga di. Bundant il dubel da las chaussas vegnan puspè enavos tar lur possessurs.

1 / 6

Legenda: Reportra Fabia Caduff va a guardar tge che sa chatta en il biro da chat a l'europort a Turitg. Qua en discurs cun Jürg Hügli dal biro. RTR, Silvana Degonda

2 / 6

Legenda: Da tut la rauba sa tschenta en il pitschen biro da chat da l'europort. RTR, Silvana Degonda

3 / 6

Legenda: Radund 30'000 tocs sa chattan en il biro da chat – egliers paran dad ir spezialmain savens a perder. RTR, Silvana Degonda

4 / 6

Legenda: Fetg blers egliers perdan la glieud a l'europort. RTR, Silvana Degonda

5 / 6

Legenda: Era ina mass'electronica ha il dachasa qua en in biro da chat. RTR, Silvana Degonda

6 / 6

Legenda: Radund 100 persunas vegnan mintga di an il biro da chat per lur rauba emblidada, sco per exempel valischs. RTR, Silvana Degonda

Bye Bye Bar

Scenas sco ord in film pon ins vesair en la «Bye Bye Bar». Pèrins inamurads cun larmas en ils egls che s'embratschan, ina matta che prenda cumià da sia famiglia, e dal bab fin tar la mamma ed ils fragliuns cridan tuts grossas larmas.

1 / 8

Legenda: Bunamain 26’300'000 passagiers dumbra la plazza aviatica a Turitg en in onn (cifras 2015). Keystone

2 / 8

Legenda: Arrivada a l'eroport cun il tren. RTR, Silvana Degonda

3 / 8

Legenda: Al check-in. RTR, Silvana Degonda

4 / 8

Legenda: Nossa reportra Fabia Caduff a la tschertga d'istorgias sin l'eroport a Turitg. RTR, Silvana Degonda

5 / 8

Legenda: Ils spurtegls a l'eroport èn fullanads - il fanadur ed l'avust èn ils mais cun ils pli blers passagies. RTR, Silvana Degonda

6 / 8

Legenda: La famusa «Bye Bye Bar» gist davant la controlla da segirezza. Qua datti bleras scenas da cumià sco ord il film. RTR, Silvana Degonda

7 / 8

Legenda: Enturn il «tower» che controllescha mintg'aviun marscha l'entir di ina massa. RTR, Fabia Caduff

8 / 8

Legenda: Bon voyage – tgi sa nua che quest aviun s'atterra. RTR, Silvana Degonda

Coordinatas

La plazza aviatica a Turitg e la pli gronda plazza aviatica en Svizra. A 'eroport vala in scumond per sgols da notg. Aviuns sgolan tranter las 06:00 e las 23:30.

Oz rapporta RTR tut il di davent da la plazza aviatica a Turitg. Questa pagina vegn actualisada cuntinuadamain.

RR actualitad 08:00++