Siglir tar il cuntegn

Svizra L'eroport a Turitg – in ir e vegnir

Di e notg è la plazza aviatica a Turitg averta. I dat persunas che lavuran, persunas che viageschan, persunas che prendan cumià e persunas che sa vesan puspè.

Legende: Video Nua van ils Rumantschs en vacanzas? abspielen. Laufzeit 1:57 Minuten.
Or da RTR dals 11.07.2016.

Al check-in

Igl e in travasch gia a bun’ura baud a l’eroport da Turitg. Persunas da tut las vegliadetgnas e bleras famiglias èn sin viadi per far il check-in cun lur valischs e gia pronts per las vacanzas cun chautschas curtas, rassas e flip-flops. En in di partan ed arrivan en media 72’000 passagiers da Turitg.

E sch’ins guarda sin las tavlas dals sgols, ves’ins ch'i dat insatge per mintgin: Da Mumbai, New York enfin a London, Prag e Paris e anc bler dapli. En tut sgolan e sa tschentan 726 eroplans al di.

Al biro da chat

En il biro da chat sa chattan 30’000 chaussas che en idas a perder a la plazza aviatica. Quai sun chaussas sco protesas, natels, laptops, egliers ni vestgadira e anc bler dapli. 100 persunas vegnan mintga di en il biro da chat per tschertgar lur causas. Era blers mails e telefons survegnan ils collavuraturs dal biro mintga di. Bundant il dubel da las chaussas vegnan puspè enavos tar lur possessurs.

Bye Bye Bar

Scenas sco ord in film pon ins vesair en la «Bye Bye Bar». Pèrins inamurads cun larmas en ils egls che s'embratschan, ina matta che prenda cumià da sia famiglia, e dal bab fin tar la mamma ed ils fragliuns cridan tuts grossas larmas.

Coordinatas

La plazza aviatica a Turitg e la pli gronda plazza aviatica en Svizra. A 'eroport vala in scumond per sgols da notg. Aviuns sgolan tranter las 06:00 e las 23:30.

Oz rapporta RTR tut il di davent da la plazza aviatica a Turitg. Questa pagina vegn actualisada cuntinuadamain.

RR actualitad 08:00++

Cifras e Fatgs

En in onn ha la plazza aviatica a Turitg:

  • 26’281’228 passagers
  • 265’095 sgols
  • 411’780 tonnas chargia
  • 24'000 lavurers al lieu
  • 169 destinaziuns
  • 880 hectaras
  • 60 butias
  • 40 restaurants

Cifras sa basan sin l’onn 2015