Siglir tar il cuntegn
cuntegn

Svizra L'industria svizra flurescha

L'industria svizra ha producì la stad passada cun tutta forza. En il terz quartal è la producziun s'augmentada per 8,6% e la svieuta per 7,5%.

lavurant che fa in product industrial
Legenda: L'industria svizra è sin buna via. (maletg simbolic) Keystone

Il ferm franc svizzer il 2015 aveva gì gronda influenza sin l'industria, ch`è fermamain orientada a l'export. Entras la revalitaziun dal franc svizzer envers l'Euro eran las interpresas svizras vegnidas en curt temp bler pli charas ch'ils concurrents da la zona da l'Euro. Ussa è il curs cun 1,16 francs per Euro dentant puspè pli manaivel al curs minimal dad 1,20 franc per Euro ch'ins aveva annullà il schaner 2015.

Regress sin aut nivel

La branscha da construcziun è cun in plus da 0.5% sa sviluppada main ferm. Cun in augment da 6,2% è la svieuta en la branscha da construcziun però tuttina creschida uschè fitg sco dapi il 2008 betg pli. La branscha da construcziun profitescha dal fatg che la Banca naziunala svizra ha sbassà ils tschains directivs per far pli flaivel il franc svizzer. Ussa èn quels perfin negativs. Damai vegn investì en immobiglias per far rendita.

Il motiv per il svilup plitost pitschen è dentant che la construcziun d'abitaziuns è sa distatgada da la dumonda – quai vul dir: la dumonda na correspunda betg a purschida sin fiera. Las correcturas per sminuir quella discrepanza pudessan però esser in cugn da frain.

RR novitads 11:00