Il carschen da la populaziun en la regiun dal lai da Genevra vegniss sminuida per la mesadad fin il 2040, scriva l’organisaziun. In franar da la carschen da la populaziun sappia procurar per in vegliandrament sever da la populaziun.
Era decisiv per la regiun sajan ils cunfinaris, ils ultims 15 onns saja la cumpart da cunfinaris sa dublegiada, senza che la dischoccupaziun creschia. A Genevra vegn il mument ina da 4 plazzas da lavur fatga d’in cunfinari.
La Confederaziun na vula nagins contingents
Enfin il favrer 2017 sto la Confederaziun realisar l'iniziativa da l'immigraziun da massa. Il settember è il Cussegl naziunal s'exprimi per ina «precedenza d'indigens light». Uschia è la lescha confurma cun la lescha davart la libra circulaziun.
Il project da votaziun prevesa nagin contingent. Ils patruns pon vegnir obligiads d'annunziar plazzas libras sco emprim al RAV, il center regiunal per intermediaziun da lavur, dentant be sch'in tschert dumber d'immigrants vign surpassà.
Suenter il Cussegl naziunal decida il Cussegl dals chantuns en la sessiun dal december davart l'iniziativa. Gia uss han els entschet la discussiun davart in concept pli sever. Sch'i dat in referendum cunter la versiun «light» da l'iniziativa n'è betg anc cler.
RR novitads 15:00