Siglir tar il cuntegn

Svizra L’iniziativa per 10% dapli renta senza schanza

Il Cussegl dals chantuns renviescha l'iniziativa «AVS plus» da l'Uniun sindicala svizra, cun 33 cunter 11 vuschs ed ina abstenziun.

Sindicalists tar la surdada da l’iniziativa «AVS plus» il december 2013.
Legenda: Sindicalists tar la surdada da l’iniziativa «AVS plus» il december 2013. Keystone

La consequenza da l’iniziativa fissan custs supplementars da mintg’onn 4 milliardas francs. Uschia ha argumentà la maioritad burgaisa dal Cussegl dals chantuns.

L’iniziativa vuless che las rentas d'AVS vegnan auzadas per 10%. Uschia survegniss ina persuna che viva suletta 200 francs al mais dapli, e conjugals enturn 350 francs dapli. Per finanziar quai proponan ils iniziants, d'auzar las contribuziuns da paja u d'incassar ina taglia sin ierta naziunala.

Sco proxim vegn il Cussegl naziunal a sa fatschentar cun l'iniziativa.

RR Novitads 12:00