Siglir tar il cuntegn

Header

cuntegn

Svizra L'inquisiziun cunter il schef da l'aviatica vegn terminada

Las inquisiziuns èn stadas en connex cun il project da rachetas fallà Bodluv – ha ditg in pledader da la giustia militara envers il TagesAnzeiger. Il resultat provisoric da las inquisiziuns mussia però nagin cumportament chastiabel da Schellenberg.

A Schellenberg era vegnì reproschà d'avair dà vinavant infurmaziuns militaras secretas. Questas infurmaziuns secretas stettian en connex cun il project da defensiun cunter aviuns, Bodluv che ha fatg naufragi.

La giustia militara ha constatà ch'ins na sappia betg reproschar a Schellenberg d'esser sa cuntegnì fauss. Ordinà las inquisiziuns cunter Schellenberg aveva il schef da l'armada André Blattmann ils 16 da november. Blattmann ha ussa decidì da metter ad acta la chaussa.

A partir dal 2017 surprenda Philippe Rebord il post da Blattmann.

RR novitads 08:00

Artitgels legids il pli savens