Siglir tar il cuntegn
Inhalt

Svizra L'interpresa Meyer Burger stritga 90 plazzas a Thun

La mesadad da quellas vegnia stritgada dal tut - tschella mesadad da las plazzas vegnia spustada en l'Europa e l'Asia.

Logo Meyer Burger
Legenda: En tut ha l'interpresa 1'100 collavuraturas e collavuraturs a Thun. Keystone

A Thun van a perder radund 90 plazzas da lavur tar l'interpresa da solar Meyer Burger. Ina part da las plazzas vegnia stritgada dal tut ha il schef da l'interpresa Hans Brändle communitgà il mardi. L'autra part vegnia spustada en auters lieus en l'Europa ed en l'Asia. Il martgà da fotovoltaica saja vegnì spustà adina pli fitg en l'Asia, perquai sajan els sfurzads da far quest pass. Cun la reorganisaziun gia annunziada il november 2017 vegnian las activitads futuras da Meyer Burger a sa concentrar sin dus lieus en la Germania ed en la China. A Thun restan uschia anc 50 fin 60 collavuraturas e collavuraturs. En tut ha Meyer Burger anc 1'000 plazzas cumplainas.

RR novitads 07:00