L'OECD ha elavurà propostas per meglierar l'economia en Svizra

Davent cun las subvenziuns per l'agricultura e dapli contribuziuns per la furmaziun e la tgira dals uffants. Quai èn duas propostas per refurmas che la OECD fa a la Svizra per meglierar il svilup.

Ina bursa e dus mauns che tegnan e mettan en daners. Bild in Lightbox öffnen.

Legenda da maletgs: Co augmentar las entradas per persuna en Svizra? Keystone

L'economia en Svizra na crescha betg avunda spert per augmentar las entradas per persuna. L'Organisaziun da cooperaziun e svilup economic en Europa (OECD) ha preschentà in'entira paletta da cussegls per la Svizra. Quels duain gidar da meglierar la productivitad da lavur che saja dapi onns debla.

Per exempel propona la OECD da promover start-ups innovativs u da procurar cun scolaziun per dapli spezialists per esser pront per la digitalisaziun. Era stoppia la Svizra procurar per bunas cundiziuns per savair cumbinar lavur e famiglia. Uschia savess la Svizra nizzegiar meglier ils potenzials da las dunnas.

RR novitads 18:00