Siglir tar il cuntegn

Header

cuntegn

L'onn che vegn Svizzers e Svizras augmentan lur budget per vacanzas

Svizras e Svizzers han augmentà lur budget per far vacanzas, quai cumpareglià cun avant la pandemia da Corona, il 2019. Els reservan er per il proxim onn hotels pli chars e stattan pli ditg, sco la SonntagsZeitung ha rapportà, suenter ina enquista tar ils pli gronds purschiders da viagiar. Empè da plirs viadis curts, fetschia la clientella pli paucs viadis sur pli lung temp.

Dumonda per viadis quasi puspè sin nivel da 2019

Tar in'enquista dal purschider da viadi Kuoni cun 1100 persunas han in terz ditg ch'els veglian augmentar lur budget da viadi. 48% vulan mantegnair lur budget actual e be 21% vulan spargnar.

La pledadra da TUI Svizra – in auter grond purschider da viadi – ha inditgà envers la «SonntagsZeitung» che lur clients dettian ora en media 10 fin 20% dapli per vacanzas en congual cun avant la pandemia. La dumonda per viadis saja quasi puspè sin il nivel dal 2019. Il volumen da cudeschaziun saja stà en la stagiun 2021/2022 tar var 80% en congual cun 2019. Tschertas regiuns, sco la Grezia, sajan schizunt stadas pli popularas che avant Corona.

audio
Per tadlar: las novitads da las 10:00
ord RTR Audio dals 26.12.2022.
laschar ir. Durada: 3 minutas 12 Secundas.

RTR novitads 10:00

Artitgels legids il pli savens

Scrollar a sanestra Scrollar a dretga