En Svizra èn blers partì cun ina grippa en l'onn nov. En tuttas regiuns è la grippa sa derasada fitg ed il dumber da las novas infecziuns crescha vinavant.
L'Uffizi federal da sanadad communitgescha ch’ils medis hajan annunzià l'emna passada 51,7 cas da grippa sin milli consultaziuns. Quai munta passa 200 cas sin 100'000 abitants. L'emna avant era quai anc passa 150 cas. Tenor l'Uffizi da sanada è la fasa actuala l'emprima mesadad da l'unda da grippa. La grippa è quest onn vegnida pli baud che usità.
