Siglir tar il cuntegn

Header

Cusseglier federal Didier Burkhalter è s'inscuntrà a Turitg cun Ban Ki Moon, il secretari general da l'ONU
Legenda: Didier Burkhalter è s'inscuntrà cun Ban Ki Moon Keystone
cuntegn

Svizra «L'ONU ha ina rolla impurtanta d'intermediar en conflicts»

Il Cusseglier federal Didier Burkhalter ha accentuà la rolla impurtanta da l'ONU per surmuntar conflicts en il mund. Burkhalter è s'inscuntrà oz a Turitg cun il secretari general da l'ONU, Ban Ki-Moon.

La Svizra sa stentia per in vast dialog intern davart la Siria e mettia er a disposiziun persunas dal fatg persuenter. Ultra da quai saja fitg impurtant che la populaziun che pateschia dal conflict survegnia l'agid umanitar che fetschia nair da basegn.
Il sustegn finanzial che la Svizra presta en la Siria, il Libanon, la Jordania e l'Irac munta fin ussa a 200 milliuns francs.

La basa per cumbatter era en l'avegnir povradad, fom ed inegualitad è l’Agenda 2030 ch’è vegnida decisa il settember 2015 da 193 pajais-commembers da l’ONU a New York. “Nagin na dastga vegnir laschà enavos” è il motto – e mo ensemen sa laschan schliar problems globals. L’Agenda 2030 cumpiglia 17 finamiras che valan universalmain, uschè era per la Svizra.

Agenda 2030 - ina sfida

L'agenda 2030 è ina sfida per mintga pajais, perquai che las finamiras èn ambiziusas. Er sch'ins na possia betg schliar conflicts actuals cun talas finamiras, possian ins almain empruvar d'evitar tals conflicts en il futur, di Michael Gerber, manader da la delegaziun Svizra per las tractativas da l’Agenda 2030 cun l’ONU. La Svizra sto s’adattar a questas finamiras e drizzar da nov sia collavuraziun al svilup internaziunal.

RR novitads 15:00

Artitgels legids il pli savens

Scrollar a sanestra Scrollar a dretga