L'SBB renovescha ses chars da dus plauns

La Viafier federala vul renovar tut ils 341 trens da dus plauns d’Intercity. Ils custs per questa acziun n’èn anc betg enconuschents, il cussegl administrativ da l’SBB vegn probabel a decider la primavaira 2017.

Purtret d'in char d'Intercity en garascha. Bild in Lightbox öffnen.

Legenda da maletgs: Quests chars da la Viafier federala duain vegnir renovads ils proxims onns. Keystone

Il material rullond da l’SBB resta en media 40 onns en acziun, suenter radund la mesadad da quest temp survegnan ils trens in tal program da renovaziun. Ils trens da duas auzadas eran vegnids cumprads tranter ils onns 1997 fin il 2004. Uschia èn ils pli vegls chars l'onn proxim 20 onns en funcziun.

Las lavurs da renovaziun duain cumenzar il 2019 ed esser a fin il 2024. Planisà è ch'i duai dar 40 stanzas da cunferenza en ils trens da l'emprima classa. Empè dals cumpartiments da quatter e da dus duai dar ina lunga maisa da cunferenza. Infurmaziuns detagliadas vul l'SBB dar cura che las publicaziuns èn serradas giu ed il cussegl d'administraziun ha dà glisch verda.

RR novitads 18:00