Las Bahamas valan sco in paradis per viver ma era per persunas cun blers daners. Uss è vegni chattà ina ulteriura fora da datas numnada «fora da Bahama». En tut è quai 1,3 milliuns documents ch’èn vegnids a la glisch, rapporta la gasetta «Tagesanzeiger». En tut dat quai infurmaziun da passà 175’000 interpresas tranter ils onns 1990 e 2016. Ils documents èn alura vegnids surlavurads d’in consorzi da schurnalists sumegliant sco ils «Panamapapers».
UBS e CS il pli davanttiers
Propi davanttiers èn las duas bancas grondas UBS e CS. Uschia è mintga novavla interpresa da las 175’000 colliadas cun in conto da l’UBS ni da la CS, rapporta il «Tagesanzeiger». Uschia han las duas bancas grondas fundà sin las Bahamas fin a 9’500 interpresas dad off-shore.