La cumissiun speziala retschertga en connex cun l'uschenumnada affera da Lux-Leaks. Il Departament federal da finanzas ha confermà in rapport en la SonntagsZeitung. Planisà saja tranter auter in inscunter cun il secretari statal per dumondas da finanzas Jacques de Watteville. Sin il program stattan plinavant discurs cun represchentants dal differents chantuns, economiesuisse, Avenir Suisse e cun l’organisaziun nunguvernamentala Erklärung von Bern ed Alliance Sud. Las reglas co e quant taglia che interpresas en Svizra ston pajar vegn crititgà da l’UE, la lescha davart la refurma da l'imposiziun da taglia sin interpresas III na giaja betg lunsch avunda.
Tenor la SonntagsZeitung viagescha la delegaziun las proximas emnas era en auters pajais sco per exempel la Belgia u en la Gronda Britannia.
RR novitads 12:00