L’uvestg da Son Gagl fa ina replica a l’uvestg Vitus Huonder

L'uvestg Markus Büchel cuntradi a las constataziuns da Vitus Huonder en connex cun l’omosexualitad.

L’uvestg Markus Büchel a chaschun da la conferenza episcopala il november 2014. Bild in Lightbox öffnen.

Legenda da maletgs: L’uvestg Markus Büchel a chaschun da la conferenza episcopala il november passà. Keystone

Büchel ha scrit il venderdi ina brev als spirituals da l'uvestgieu da Son Gagl. El di che umans e lur relaziuns na dastgian betg vegnir reducids sin lur sexualitad. Plinavant regorda el che quai che nus savain oz da l'omosexualitad sco disposiziun e betg sco orientaziun sexuala elegida voluntarmain, n'era gnanc enconuschent dal temp da la Bibla.

A chaschun dad in forum en Germania aveva Huonder cità avant in’emna passaschas ord la bibla e ditg tranter auter, che l’omosexualitad vegnia chastiada cun la mort.

RR Novitads 15:00