Svizra - La banca naziunala n'ha para betg intervegni en il martgà
Ils credits da giro da la banca naziunala èn restads tuttina sco l'emna passada. La Banca naziunala svizra n’ha per l'emprima giada dapi l'aboliziun dal curs minimal da l'euro betg stuì intervegnir en il martgà cun cumprar devisas.
Ils uschenumnads credits da giro da la banca naziunala sajan restants uschè auts sco l'emna passada cun 384 milliardas francs, scriva la banca.
Il svilup da quests credits da giro inditgeschan schebain e quant fitg la banca naziunala ha stuì intervegnir en il martgà da devisas. Las dus emnas suenter l'aboliziun dal curs minimal da l'euro da 1 franc e 20 eran ils credits da giro creschids per 40 milliardas francs.
