En in studi actual ha la banca gronda UBS avertì d'ina scufla immobigliara. Ils davos 17 onns sajan ils pretschs per abitaziuns sa dublads en bleras citads. Ils pretschs sajan entant pli auts ch'avant la crisa da finanzas il 2008. Tenor il studi da l'UBS sajan ils pretschs per immobiglias en 15 citads grondas memia auts. Sco exempels numna la UBS las citads da Hongkong, Londra e Paris. Era la fiera svizra d'immobiglias saja survalitada, scriva l'UBS en ses studi.
RR novitads 15:00