Svizra - La biodiversitad dals guauds svizzers crescha
En ils guauds svizzers è la diversitad da las spezias creschida. Plinavant èn ils guauds pli spess ch’anc avant 10 onns, a questa conclusiun vegn il pli nov rapport davart il guaud da la Confederaziun.
La midada dal clima e parasits importads pudessan en l’avegnir dentant chaschunar problems pli gronds per il guaud. Difficultads chaschunan dentant er incendis, il baus da scorsa e novas malsognas da bulieus.
audio
Saira: La biodiversitad dals guauds svizzers crescha
00:58 min, ord Actualitad dals 27.08.2015.
laschar ir. Durada: 58 Secundas.
La biodiversitad è sa megliurada ils ultims onns. Per quai è sa megliurà l’effect da la protecziun dal guaud per l’aua sutterrana ed er da privels da la natira sco lavinas, bovas u crudada da crappa.