Siglir tar il cuntegn

Header

cuntegn

Svizra La chantadura Lys Assia è morta

La chantadura ha gudagnà il 1956 per la Svizra l'emprim Grand Prix Eurovision de la Chanson. Lys Assia è vegnida 94 onns veglia.

La legenda dal schlagher svizzer saja morta la sonda en l'ospital Zollikerberg sper Turitg. Quai ha confermà l'anteriur secretari da Lys Assia envers pliras medias. Ils davos onns avev'ella adina puspè da sbatter cun problems da sanadad.

La staila da la chantadura è cumparida a l'univers dal schlagher l'onn 1950, cun il titel «O mein Papa» or da l'operetta «Der schwarze Hecht». 1956 gudogna Lys Assia lura cun «Refrain» l'emprim Grand Prix Eurovision de la Chanson, uss enconuschent sco Eurovision Song Contest.

Avant 10 onns è Lys Assia vegnida onurada cun il Prix Walo d’onur, quai per sia lunga carriera cun blers success.

RR novitads 20:00

Artitgels legids il pli savens