Siglir tar il cuntegn

Header

Navigaziun

Carta da legitimaziun per esters.
Legenda: Il 2017 han 37% da la populaziun svizra a partir da 15 onns gì ina biografia da migraziun. Keystone
cuntegn

Svizra La famiglia è la raschun principala per vegnir en Svizra

Persunas da l’exteriur che vegnan en Svizra per viver fan quai il pli savens per raschuns famigliaras. 43% da la populaziun tranter 15 e 74 onns inditgescha che la famiglia saja stà il motiv per vegnir en Svizra, quai communitgescha l'Uffizi federal da statistica sa referind sin las cifras dal 2017.

Per 32% è la professiun stada la raschun da vegnir en Svizra. Ulteriurs 6% inditgeschan l’asil sco raschun, 5% la furmaziun. Tranter umens e dunnas datti però ina gronda discrepanza. Entant ch’il umens vegnan il pli savens en Svizra per lavurar è quai tar las dunnas la famiglia.

L’onn 2017 han 37% da la populaziun svizra a partir da 15 onns gì ina biografia da migraziun. Passa in terz da questas persunas han il pass svizzer.

RR novitads 14:00