Siglir tar il cuntegn

Header

cuntegn

Svizra La faussa via

In di suenter ch'il suveran ha refusà cleramain l'iniziativa cunter la construcziun dischordinada van ils commentaris en la pressa svizra en la medema direcziun: Bun'idea - fauss recept.

Il titel dal commentari en La Quotidiana «Il falliu remiedi el falliu mument» represchenta l'opiniun da blers commentaders en las gasettas svizras. La NZZ scriva per exempel: Ils iniziants hajan bain tutgà il gnerv cun cumbatter il fatg che adina dapli terren svanescha en Svizra. Naufragi hajan ils Giuvens Verds dentant fatg perquai che lur recept na saja nagina schliaziun.

audio
Bunura: Revista da medias – Votaziuns
ord Actualitad dals 11.02.2019.
laschar ir. Durada: 3 minutas 48 Secundas.

Schliaziuns uschè radicalas - da lubir naginas novas zonas da bajegiar - na veglia la populaziun mo sch'i na giaja betg auter ubain sch'il tipic cumpromiss svizzer na funcziunia betg, commentescha il Blick.

Il commentader da la Südostschweiz avertescha dentant era: Sch'i vegnia vinavant bajegià uschè sparpaglià reageschi il pievel. Il fantastic vid il sistem svizzer saja numnadamein ch'ins possia adina puspè metter en discussiun il tema sche la politica na realiseschia betg consequentamain la lescha per la planisaziun dil territori.

RR novitads 06.00

Artitgels legids il pli savens