La fevra da lotto en Svizra cuntinuescha

Nagina giugadra e nagin giugader ha tippà sin las sis cifras e la cifra da fortuna tratgas sonda saira. Cun quai s’augmenta il jackpot da record puspè – e quai sin 55 milliuns francs.

Kiosk. Bild in Lightbox öffnen.

Legenda da maletgs: Betg pli 50, ma 55 millliuns - tant po gudagnar tgi che metta sin las dretgas sis cifras e la cifra da fortuna en il lotto da cifras svizer. Keystone

La sonda era l’interess per giugar lotto uschè grond, che la website da Swisslos è crudada ensemen curt avant la fin a las17:00. Dapli ch’in ura n’ha la pagina lura betg pli funcziunà.

Il gudogn da record dad enfin uss è vegnì fatg ils 23 d’avust 2014, nua ch’ina persuna aveva gudagnà 48,6 milliuns francs. Il lotto da cifras svizzer vegn giugà dapi il 1970. In jackpot datti pir dapi il 1979. Dapi lura ha la Svizra gì 697 milliunaris grazia al lotto.

RR novitads 20:00