La fusiun da search.ch e local.ch è sancziunada

Las 2 plattafurmas per registers d'adressas svizras «local.ch» e «search.ch» dastgan fusiunar. La cumissiun da concurrenza WEKO ha dà glisch verda a la maridaglia.

Tavla cun inscripziun local.ch. Bild in Lightbox öffnen.

Legenda da maletgs: Ils portals d’adressas sco local.ch èn da gronda valita economica per ils possessurs. Keystone

Cun la fusiun dettia quai en il sectur da registers d'adressas bain ina posiziun da monopol. Tuttina na saja betg da spetgar che la concurrenza vegnia eliminada, argumentescha la cumissiun. Las premissas legalas per scumandar la fusiun na sajan betg accumplidas.

Concret po il concern da telecommunicaziun Swisscom che posseda local.ch, surpigliar search.ch da la gruppa da medias Tamedia. Ils 2 concerns avevan motivà lur pass cun la ferma concurrenza internaziunala da maschinas da retschertga en l’internet sco Google, e medias socialas sco Facebook.

RR Novitads 08:00