Tenor l'Uffizi federal da sanadad hai dà l'emna passada sin 100'000 abitants 339 consultaziuns tar il medi. L'emna avant era quai anc 252 consultaziuns. Pertutgads il pli fitg da la grippa èn anc adina ils uffants pitschens ed ils scolars fin 14 onns. Era tar las persunas fin 25 onns e sur 65 onns è l’activitad da la grippa s’augmentada fermamain.
Dapli cas en il Grischun
En il Grischun mussa la tendenza plitost ensi. Il medem vala per la Svizra franzosa, la Svizra dal nordvest ed en il Tessin. Constanta è la situaziun da grippa en la Svizra dal nordost. Sulet en la Svizra centrala è la grippa sa reducida levet.
RR Novitads 15:00