Ch’ils giuvenils èn cuntents cun lur schelta co cuntinuar suenter il temp da scola obligatori, mussa ina retschertga dal Secretariat dal stadi per furmaziun, perscrutaziun ed innovaziun era. 92% dals giuvenils han inditgà, che la via da furmaziun elegida correspundia a lur abilitads ed interess. E per 79% è la furmaziun elegida perfin la schliaziun da siemi u giavischada.
Bleras plazzas betg occupadas
Las firmas ed interpresas han offrì radund 81’500 plazzas d’emprendissadi, il termin dals 31 d’avust 2018. Da quellas èn radund 70’000 occupads. Las passa 10’000 plazzas d’emprendissadi betg occupadas, datti cunzunt en la branscha da construcziun ed en l’agricultura e l’economia forestala. Sco raschun principala daco ch’ellas n’han betg pudì occupar las plazzas han inditgà las interpresas, ch’els hajan survegnì mo annunzias betg adattadas u insumma naginas.
RR actualitad 12:00