Siglir tar il cuntegn
Inhalt

Svizra La malsogna da la lieunga blaua è turnada

Tschintg onns suenter l'eliminaziun è la malsogna da la lieunga blaua para returnada en Svizra. Tenor l'Uffizi federal veterinar è la malsogna betg privlusa per l'uman vegnida cumprovada tar mintgamai in arment en il chantun Giura ed il chantun Basilea Champagna.

in veterinari vaccinescha ina nursa cunter la malsogna lieunga blaua
Legenda: Il mument desista la Confederaziun sin novas virolas cunter la malsogna da la lieunga blaua. Keystone

Cunquai che nagins auters animals dals manaschis pertutgads èn s'infectads cun la malsogna da la lieunga blaua desista l'uffizi il mument sin ina vaccinaziun obligatorica.

Il 2008 aveva l'Uffizi federal veterinar declerà per obligatoric la vaccinaziun cunter la lieunga blaua. Il 2009 e 2010 hai dà campagnas da virolaziun obligatoricas. Dapi il 2012 era la Svizra uffizialmain libra da la lieunga blaua.

Per l'uffizi n'èn las infecziuns dentant nagina surpraisa. Il virus cumprovà en la Svizra è dapi onns derasà en la Frantscha. El vegn transferì d'insects sin ils remagliaders. Animals infectads han fevra, mucosas (Schleimhäute) inflammadas u edems vid il chau. Savens han animals infectads er spersas.

RR novitads 16:00