La mamma ch’aveva mazzà a Flaach ses 2 uffants ha fatg suicidi

Succedì è il suicidi il venderdi suentermezdi en ina cella d’ina praschun a Turitg.

2 umens ensemen cun cussegliera guvernativa Jacqueline Fehr. Bild in Lightbox öffnen.

Legenda da maletgs: Ils responsabels han infurmà ensemen cun cussegliera guvernativa Jacqueline Fehr davart il suicidi. Keystone

La dunna da 27 onns ch’aveva mazzà ses 2 uffants da Bumaun haja fatg suicidi, era sch’ella saja vegnida accumpagnada regularmain cun servetschs psichiatrics. Quai ha il manader da l’ execuziun giudiziala dal chantun Turitg communitgà a chaschun d’ina conferenza da medias.

Ina brev da cumià

La dunna ha laschà enavos ina brev, davart il cuntegn n’hai dentant dà naginas infurmaziuns. La Procura publica ha instradà sco usità en tals cas in’inquisiziun.

La chasa a Flaach nua ch'il mazzament dals 2 uffants ha gì lieu. Avrir maletg en lightbox.

Legenda da maletgs: En questa chasa a Flaach ha il mazzament dals 2 uffants gì lieu da Bumaun. Keystone

Ils schabetgs da Bumaun

La dunna aveva confessà dad avair mazzà ses 2 uffants da Bumaun. Ils 2 uffants eran mo ils dis da festa tar la mamma a Flaach. Las Autoritads per la protecziun da l'uffant e da creschids KESB avevan plazzà els en ina chasa d'uffants, suenter ch’ils geniturs eran vegnids arrestads pervi da cugliunarias supponidas.

RR Novitads 12:00