L'aviun dal papa è sa platgà a las 10:10 a l'eroport da Genevra. Beneventà è el vegnì dal president da la Confederaziun, il cusseglier federal Alain Berset e dal minister da l'exteriur Ignazio Cassis. Silsuenter sa renda papa Francestg tar il Cussegl ecumenic mundial che po festivar quest onn ses giubileum da 70 onns. I dat uraziuns, inscunters ed in gentar communabel cun ils represchentants dal cussegl.
Vers las 17:00 turna la delegaziun dal Vatican puspè enavos tar l'eroport, nua che papa Francestg vegn a festivar cun passa 40'000 cartents ina messa en las hallas da la Palexpo. Sper il president Alain Berset vegn era la cussegliera federala Doris Leuthard ad assister a quest'occurenza. Bundant duas uras pli tard èsi lura gia da dar adia. Cun ils megliers giavischs da la regenza turna papa Francestg enavos a Roma.
Pelegrins dal corpus catolicum grischun sin viadi a Genevra
Er Silvia Casutt, commembra da la cumissiun administrativa da la baselgia catolica grischuna ha grond plaschair d'astgar visitar la messa a Genevra. Il papa Francestg saja in persuna ch'ella admiria fitg. Ella saja spanegiada da vesair il papa e sche quai confermia si'impressiun ch'ella haja dal papa. Lez saja ina persuna che Silvia Casutt admiria.
Jeu hai speranza en il papa.
Or da l'Archiv
Papa Gion Paul II ha visità il 1984 la Svizra. Lura è el sa drizzà per rumantsch als cartents rumantschs.
RR novitads 06:00++
