En cuntradas pli autas èn vegnids mesirads per part fin 20 cm naiv nova. La raschun per l'entschatta andetga da l'enviern è l'aria fraida en l'autezza che ha cuntanschì la Svizra. Quai communitgescha SRF Meteo.
Blera naiv hai dà en spezial en il Grischun – e qua cunzunt en l'Engiadina. Ma er en l'Appenzell ed en il Toggenburg hai dà l'emprima naiv. En la Bassa ha l'aria fraida chaschunà urizis, en la regiun da Bienna hai dà granella. L'aria fraida resta fin mesemna. Er mardi poi anc ina giada dar naiv sin fin 1'100 meters.
A partir da gievgia vegni tenor SRF Meteo lura puspè pli miaivel.
RR novitads 11:00