Il terratrembel è dentant stà da sentir en la regiun, er en il chantun cunfinant, il Vad. Quai enturn las 01:20. L'epicenter è stà da manaivel da Martigny en ina profunditad da bun 9 kilometers. Curt suenter han pliras persunas annunzià il terratrembel tar l'ETH.
En Svizra datti adina puspè levs terratrembels. Il 2018 ha la ETH gia dumbrà fin uss da quai da 800 stremblidas. L'onn passà èn 1'230 terratrembels sumegliants vegnids registrads. Propi sentir, sentan ins però be 10 fin 20 da las stremblidas ad onn. Il pli ferm terratrembel dals ultims 10 onns hai dà il 2017 en il chantun Uri cun ina fermezza da 4,6.
RR novitads 06:00