L'avrigl 2016 datti ina nova bancnota da 50 francs. Ed in onn pli tard duai suandar la bancnota da 20 francs, sco quai che la Banca naziunala svizra communitgescha.
Las ulteriuras bancnotas duain mintgamai vegnir en circulaziun en in interval d'in mez fin in onn. L'entira seria da bancnotas novas duai alura esser en circulaziun sin l'onn 2019.
Oriundamain eri planisà d'introducir novas bancnotas davent dal 2010. Problems tecnics han dentant retardà pliras giadas l'introducziun.
