Bunamain dus terzs da la populaziun svizra discurran almain ina giada ad emna dapli che mo in linguatg. 38% dovran dus linguatgs e 26% trais u schizunt dapli linguatgs. Quai mussa in studi da la Confederaziun cun cifras dal 2014 da l'Uffizi federal per statistica.
Rumantschs èn anc pli plurilings
En la regiun rumantscha discurran 77% da la populaziun almain ina giada ad emna rumantsch. Ina gronda pluralitad da quellas persunas (88%) dovra er tudestg ubain tudestg svizzer en ses mintgadi. Da quels 88 % dovran 42 % regularmain in segund linguatg e 37% schizunt in terz linguatg.