La polizia palpogna en il stgir

En il cas dal mazzament da quatter persunas a Rupperswil n'han la polizia e la procura publica anc nagin fastiz concret.

Davant ina saiv a Rupperswil èn tschients chandailas e fotografias da las unfrendas da Rupperswil Bild in Lightbox öffnen.

Legenda da maletgs: Il mazzament da 4 persunas a Rupperswil aveva consternà l'entira Svizra Keystone

Enfin uss n'haja anc dà naginas arrestaziuns ed er il motiv dal delict violent na saja betg cler. Quai han communitgà las autoritads d'investigaziun a las medias. Fin ussa haja dà radund 250 indizis ord la populaziun. Per indizis che gidan a sclerir il cas è vegnì fixà ina remuneraziun da 100'000 francs.

Curt avant Nadal aveva quest cas schoccà la populaziun

Ils 21 da december eran ina dunna, ses dus figls e l'amia d'in dals figls vegnids mazzads en lur chasa a Rupperswil en il chantun Argovia. L'avantmezdi enturn las 9:50 uras, curt avant ses mazzament aveva la dunna retratg ina gronda summa daners d'in bancomat. Tut en tut aveva ella prendì giu 9850 francs e 1000 euros. A las 11:20 uras aveva in vischin da la dunna alarmà ils pumpiers perquai ch'el aveva s'accurschì ch'i vegniva fim or da la chasa.

RR novitads 15:00