Quest cas pertutgia la surdada dals campiunadis mundials da ballape dal 2018 e dal 2022, annunzia la procura publica. Ella ha instradà ina procedura penala encunter nunenconuschent, quai pervi dal suspect da gestiun nuncorrecta, sco era pervi da lavar daners nairs.
Avant aveva la procura publica gia tschertgà documents da quest cas tar differentas bancas svizras. Pli tard vul ella interrogar 10 persunas, ch’èn stadas involvidas sco commembers dal comité executiv en la surdada dals campiunadis mundials da ballape 2018 e 2022.
Quest cas n’haja nagin connex cun las arrestaziuns da commembers da la Fifa a Turitg, scriva la Procura publica federala.
RR Novitads 11:00
