Giuvens han midà lur cumportament
Surtut la giuventetgna ha midà ses agir. Entant che 9% dals giuvens tranter 15 e 24 onns faschevan stim l'onn 2011 dal consum d'electricitad da lur apparats, fan ussa 19% dad els stim da quai.
Qualitad da l'ambient è buna en Svizra
La segunda enquista da l'Uffizi federal da statistica mussa er che 92% da la populaziun svizra taxescha la qualitad da l'ambient en Svizra sco «fitg buna» u «plitost buna». L'enquista dal 2015 mussa vinavant che mintga quarta persuna patescha da la canera dal traffic e mintga tschintgavla da la polluziun da l'aria.
Qualitad da l'ambient sin l'entir mund è main buna
Svizzers e Svizras èn dentant dal maini che la qualitad da l'ambient saja vegnida mendra sch'ins resguarda l'entir mund. En l'emprima enquista d'avant quatter onns eran 23% da l'avis che la qualitad da l'ambient saja buna ubain fitg buna. Ussa èn mo anc 20% da quest maini. Trais quarts da la populaziun din che la qualitad da l'ambient en lur conturn haja ferma influenza sin la qualitad da viver persunala.
RR novitads 10:00