La marca da posta A vegn a custar en l'avegnir almain 1.10 francs. Dad augmentar il pretsch be per 5 raps dettia memia blera lavur ha ditg Urs Schwaller, il president dal Cussegl d’administraziun da la Posta, en la «Samstagsrundschau» da Radio SRF.
Cun las entradas supplementaras vul Schwaller stuppar largias finanzialas en il concern. Il pretsch per las marcas na saja dapi il 2004 betg pli s’augmentà e quai saja unic ha Schwaller fatg a savair la sonda. Plinavant paja la Posta svizra per il provediment da basa.
Actualmain è la Posta svizra en il focus da l'interess public – quai pervi ch'ella sto pajar enavos a la Confederaziun, chantuns e vischnancas passa 205 milliuns francs pervi dals embrugls tar l'AutoDaPosta SA.
RR novitads 14:00