Als spurtegls da la Posta èsi en l'avegnir er pussaivel da pajar cun cartas da Maestro e betg mo pli cun la Postfinance Card. La Posta ademplescha cunquai in vegl giavisch da la clientella. Per far pajaments dovri però vinavant la carta da la Posta.
Fin il november duajan tut ils 1’400 spurtegls esser equipads cun ils novs apparats communitgescha la Posta. La midada dals radund 5’000 terminals da pajar chaschunian gronds custs. La schliaziun elavurada cun l'uffizi federal da communicaziun saja però da realisar tant tecnicamain sco er economicamain.
