Siglir tar il cuntegn

Svizra La Posta augmenta spediziun da pachets

130 milliuns pachets ha La Posta pudì spedir il 2017. Quai correspunda ad in augment da 6% cumpareglià cun l'onn avant. Per l'emprima giada èn 52% dals pachets vegnids tramess sco PostPack Priority.

In auto da La Posta cun en pachets ed in um che serra la porta davostiers.
Legenda: La Posta svizra ha l'onn passà spedì dapli pachets. Keystone

La Posta svizra ha spedì dapli pachets l'onn passà. Cumpareglià cun il 2016 è il dumber creschì per 6% sin 130 milliuns pachets. Creschì è però er il giavisch dals clients da spediziuns adina pli spertas, communitgescha La Posta. Per l'emprima giada èn passa 50% dals pachets vegnids tramess cun PostPac Priority vul dir: ils pachets arrivan gia l’auter di. Avant 15 onns vegnivan anc pli pauc che 20% dals pachets tramess cun quella varianta svelta.

Per dumagnar la quantitad dals pachets che crescha construescha la Posta ils proxims onns trais novs centers da pachets en ils chantuns Tessin, Vallais e Grischun (Landquart). En tut vul La Posta investir 150 milliuns francs en la spediziun da pachets.

RR novitads 17:00