Siglir tar il cuntegn

Header

Purtret d'in logo da la posta.
Legenda: Keystone
cuntegn

La Posta Corona fraina spediziun da posta en China

La Posta na prenda ad interim encunter nagins pachets e naginas brevs pli per trametter en China. Pervi dal virus da corona sajan blers sgols en China stritgads, uschia saja er la spediziun da posta restrenschida fermamain.

La Posta haja actualmain be in terz da la capacitad ch'ella duvrass per la spediziun en China, ha l'interpresa communitgà. Las filialas da La Posta e partenaris sajan perquai infurmads, ch'i na duajan il mument betg prender encunter brevs u pachets per la China.

Clientas e clients che stoppian dentant tuttina trametter urgentamain insatge en la China, possian far quai cun la sort da spediziun «urgent». La Posta na possia dentant betg pli garantir in temp, cura che las brevs u pachets arrivian.

Per il transport da pachets e brevs da la China, saja la posta chinaisa responsabla. Dentant possia er là dar retards, cunquai che las pussaivladads da transport sajan restrenschidas.

Ord l'archiv:

Video
100 onns auto da posta – servetsch da posta a S-charl durant generaziuns en ils mauns d’ina famiglia
Or da Telesguard dals 29.03.2019.
laschar ir

RTR novitads 10:00

Dapli da Svizraavrir la Landingpage

Nach links scrollen Nach rechts scrollen