La Posta transfurmescha uffizis da posta en agenturas

L'onn passà ha la Posta Svizra serrà en l'entir pajais bunamain 100 uffizis postals. Persuenter ha ella stgaffì da nov 75 agenturas da posta, quai resulta dal rapport annual da la cumissiun da posta federala. (PostCom)

Ina posta en ina stizun. Bild in Lightbox öffnen.

Legenda da maletgs: La posta en la stizun dal vitg per nossa regiun nagut nov. Keystone

La transfurmaziun d'uffizis postals en agenturas haja cuntinuà il 2015 en il medem tempo sco ils onns precedents. En total ha la Svizra anc 1’464 uffizis postals quai ina reducziun per 98 uffizis en cumparegliaziun cun l’onn passà. Il dumber d'agenturas da posta è s'augmentà l'onn passà sin uss totalmain 735 agenturas.

Uffizis postals meglier accessibels

Ils uffizis da posta e las agenturas da posta èn vegnidas pli datiers a la populaziun. 94,3% da la populaziun po cuntanscher in uffizi u ina agentura da posta a pe u cun il traffic public entaifer 20 minutas. Sco la Posta scriva saja quai in augment per 0,6% en cumparegliaziun cun l’onn avant. Quai saja dentant surtut l’effect da la megliuraziun dal traffic public sin la champagna, scriva la PostCom.

Las bleras reclamaziun ha la PostCom survegnì pervi da consegnas falladas. 21 persuna han reclamà en ina uschenumnada brev da burgais. En tut ha la PostCom retschavì 36 brevs da burgais che han reclamà en ina furma u l’autra sur da la Posta. En cumparegliaziun cun l’onn avant èn quai 8 brevs pli pauc.

RR novitads 11:00