Siglir tar il cuntegn

Header

Ina rolla da cabel sin in palantschieu da parchet.
Legenda: La PPS prenda il referendum cunter la strategia d'energia 2050. Keystone
cuntegn

Svizra La PPS prenda il referendum cunter la strategia d'energia 2050

Il project custia memia bler, argumentescha la Partida populara svizra a las medias a Berna. Il pachet da lescha saja senza responsabladad.

Il parlament aveva approvà cun ina buna maioritad l’emprim pachet da mesiras per realisar la strategia d’energia 2050. In dals puncts centrals è da scumandar novas ovras atomaras e da promover energias regenerablas.
La PPS è dal maini che questas mesiras intervegnian memia fitg en tut ils secturs da la vita da mintgin. La proxima generaziun vegnia chargiada cun grevezzas enormas. Perquai saja impurtant che burgais, locataris, possessurs da chasas, automobilists e mastergnants possian prender posiziun en chaussa, scriva la PPS.

Diversas brantschas ed interpresas sustegnan il referendum da la PPS. Tranter auter GastroSuiss, Auto Svizra e Swissmem. Las duas pli grondas federaziuns tetgalas da l'economia na sustegnan dentant betg il referendum.

RR novitads 11:30

Artitgels legids il pli savens

Scrollar a sanestra Scrollar a dretga